Ungur bóndi

Fjárhagsnefnd:

Jóna Björg Hlöðversdóttir, formaður

Birna Sólrún Andrésdóttir

Bergþór Steinar Bjarnason

Kjaranefnd:

Ragnhildur Sveinbjarnardóttir, formaður

Anna Lóa Sveinsdóttir

Elín Eyjólfsdóttir

Kristján Finnbogason

Bjarni Arnar Hjaltason

Bjarni Ingvar Bergsson

Allsherjarnefnd:

Indíana Ósk Magnúsdóttir, formaður

Sara María Davíðsdóttir

Þorvaldur Ingi Árnason

Bjarni Másson

Stefán Geirsson

Þorsteinn Logi Einarsson

Fagnefnd:

Ólafur Þórisson, formaður

Halldór Örn Árnason

Stefán Fannar Steinarsson

Hermann Ingi Gunnarsson

Þórir Níelsson

Gunnar Guðbjartsson

Kjartan Guðjónsson

Félagsmálanefnd:

Hrönn Jónsdóttir, formaður

Kjartan Ottó Hjartarson

Þórarinn Páll Andrésson

Eyþór Dalmann Sigurðsson

Gunnbjörn Rúnar Ketilsson

Birta Berg Sigurðardóttir

Jón Hjalti Eiríksson

 

5. Málum vísað til nefnda:

Til fjárhagsnefndar var vísað eftirtöldum málum:

1) Að ákvarða árgjald til samtakanna, laun og ferðakostnað stjórnarmanna.

2) Að leggja fram fjárhagsáætlun fyrir næsta ár.

Til kjaranefndar var vísað eftirtöldum málum:

Til allsherjarnefndar var vísað eftirtöldum málum:

Til fagnefndar var vísað eftirtöldum málum:

Til félagsmálanefndar var vísað eftirtöldum málum:

Fundarhlé var gert klukkan 10:20 meðan nefndir störfuðu. Fundi var framhaldið klukkan 13:20

6. Afgreiðsla mála

Fjárhagsnefnd, framsögumaður Jóna Björg Hlöðversdóttir

1)

	Tekjur		Gjöld
Árgjöld	1 131 000	Innheimtuþjónusta	89 100
Styrkir v/dagatals (2011)	300 000	Framlög til landshlutafélaga	450 000
Sala á dagatali	525 000	Dagatal (2012)	300 000
Sala á fatnaði	120 000	Fatnaður	60 000
Styrkir v/árshátíð (2011)	200 000	Árshátíð (2011)	300 000
Ungbóndakeppnin	200 000	Ungbóndakeppnin (2011)	100 000
Auglýsingar á heimasíðu	100 000	Heimasíða	90 000
Styrkir v/lógós	150 000	Ferðakostnaður	210 000
Styrkir v/annað	500 000	Ritföng og pappír	10 000
		Sendingarkostnaður	10 000
		Lógó	150 000
		Annað	500 000
	3 226 000		2 269 100

Ólafur Þórisson spurði um árgjöld á fjárhagsáætlun.

Margrét Ósk Ingjaldsdóttir spurði hvað nefndin gerði ráð fyrir mörgum félagsmönnum.

Jóna Björg svaraði bæði Ólafi og Margréti.

Fjárhagsáætlun samþykkt samhljóða

2) Aðalfundur Samtaka ungra bænda, haldinn í Smáratúni í Fljótshlíð 12. mars 2011 beinir því til aðalfundar að árgjald verði hækkað um 500 krónur. Þessi hækkun félagsgjalda rennur til aðildarfélaga. Samtökin halda áfram að innheimta félagsgjöld.

Greinargerð:

Vel gekk að innheimta félagsgjöld á síðasta ári og ljóst að fólk vill styrkja starf samtakanna. Félagsgjöld eru mikilvægur þáttur í tekjum bæði samtakanna og aðildarfélaganna og myndi muna miklu fyrir aðildarfélögin að fá meiri tekjur. Rætt var að samtökin haldi áfram að greiða kostnað vegna innheimtu þar sem stærri hluti félagsgjalda rennur þangað. Ef árgjöld eru hækkuð þá eykst innkoma félagsins verulega og ef markmiðum um fjölgun félagsmanna næst fer innkoma úr rúmum 900 þúsundum upp í 1,1 milljón.

Samþykkt samhljóða

3) Aðalfundur Samtaka ungra bænda, haldinn í Smáratúni í Fljótshlíð 12. mars 2011 leggur til að engin laun verði greidd fyrir störf stjórnarmanna. Nefndin leggur jafnframt til að komið verði á móts við ferðakostnað stjórnarmanna líkt og verið hefur.

Greinargerð:

Samtök ungra bænda eru sjálfboðaliðasamtök og starfar fólk í þeim af hugsjón. Hinsvegar er lagt til að komið verði á móts við ferðakostnað stjórnarmanna svo hægt sé að funda og starfa að málefnum samtakanna.

Samþykkt samhljóða

4) Aðalfundur Samtaka ungra bænda, haldinn í Smáratúni í Fljótshlíð 12. mars 2011 beinir því til aðalfundar að í fjáröflunarnefnd starfi fulltrúar allra landshlutafélaga.

Greinargerð:

Til þess að auðvelda og skipuleggja starf fjáröflunar þarf að vera gott samstarf á milli samtakanna og aðildarfélagana. Fjáröflun þarf að vera markviss og vel skipulögð. Nefndin myndi starfa í samstarfi við stjórn SUB og stjórnir aðildarfélagana og skipuleggja fjáraflanir samtakanna og aðildarfélaga.

Anna Lóa spurði stjórn SUB hvort efni tillögunnar hefði ekki verið beint til aðildarfélaga fyrr á þessu ári.

Helgi Haukur svaraði spurningu Önnu Lóu varðandi fjáröflunarnefndina og sagði að svo væri ekki.

Halldór Örn spurði hvort ný fjáröflunarnefnd ætti þá að sjá um að afla allra styrkja fyrir viðburði, bæði fyrir samtökin í heild sinni og landshlutafélögin.

Jóna Björg svaraði Halldóri, ný fjáröflunarnefnd er til þess að hafa betri yfirsýn yfir fjáröflun félagsins t.d. til að koma í veg fyrir að margir aðilar séu alltaf að sækja styrk á sömu staðina.

Samþykkt samhljóða

Kjaranefnd, framsögumaður Ragnhildur Sveinbjarnardóttir

1) Aðalfundur SUB haldinn að Smáratúni þann 12. mars 2011 beinir því til stjórnar SUB að hvetja lánastofnanir að leggja ekki niður rekstur á búum, séu þau rekstrarhæf, sem koma í þeirra eigu, heldur koma þeim í hendur aðila sem geta haldið rekstrinum áfram.

Greinargerð:

Unnið verði að því að þeir sem taki við rekstri jarðar hafi möguleika á að eignast jörð og rekstur á vöxtum miðað við lágmarks mögulega vexti. Einnig kemur til greina leiga á jörð og rekstri með síðari tíma kaup í huga. Koma þarf í veg fyrir að búrekstrareiningum sé skipt upp og selt án tillits til annarra búrekstrarþátta. Mikilvægi þess að vaxtarumhverfi verði gert sanngjarnara, m.a. til stuðnings nýliðunar.

Mikilvægt er að halda sveitum í byggð og viðhalda þannig fallegri ásýnd og ímynd landsins, ekki síst með tilliti til hagsmuna ferðaþjónustunnar. Einnig er mikilvægt að halda sveitum í byggð vegna atvinnu og þjónustu í sveitarfélaginu. Lánastofnanir sjái heildarhagmuni sína innan byggðarlagsins.

Samþykkt samhljóða

2) Aðalfundur SUB haldinn að Smáratúni þann 12. mars 2011, harmar hversu mjög hefur verið gengið á kjör bænda undanfarin misseri. Þegar hart er í ári bitnar það mest á ungum og skuldsettum bændum.

Greinargerð:

Illa hefur gengið að ná í gegn þeim afurðarverðhækkunum sem bændum eru nauðsynlegar til að koma til móts við hækkanir sem hafa orðið á aðföngum og þjónustu á Íslandi undanfarin 2-3 ár.

Nýlegt dæmi úr verðlagsnefnd búvara sýnir að bændum er ætlað að taka á sig meiri kjaraskerðingu en aðrar starfsstéttir á Íslandi. Ekki verður við það unað, að landbúnaðurinn verði einn um það að halda niðri verðbólgu þegar allir aðrir sem selja vöru eða þjónustu hækka gjaldskrár sínar.

Garðyrkjubændur glíma við hátt raforkuverð, skoða þyrftir leiðir til lækkunar á því verði t.d. með þrepaskiptri verðskrá miðað við nýtingu.Garðyrkjubændur eru öruggir kaupendur og jafna notkun raforku yfir sólarhringinn.

Mikilvægt er að viðhalda fjölbreyttri innlendri matvælaframleiðslu til að tryggja matvælaöryggi þjóðarinnar og gjaldeyrissparnað.

Einnig hafa sláturleyfishafar þráast við að hækka verð á kjöti sem hefur gert kjötframleiðslu á Íslandi enn erfiðari en áður var. Er svo komið nú að innanlandsverð á afurðum bænda svo sem mjólk og kindakjöti er orðið lægra en í flestum löndum sem Íslendingar vilja bera sig saman við. Við þær aðstæður og verð á aðföngum sem íslenskir bændur búa við er ljóst að ekki verður búið til framtíðar ef verð á afurðum fær ekki að þróast með eðlilegum hætti.

Samþykkt samhljóða

3) Aðalfundur SUB, haldinn að Smáratúni þann 12. mars 2011, harmar það að íslenska ríkið sé hætt að greiða bændum mótframlag í lífeyrissjóð og leggur það mál til stjórnar SUB.

Greinargerð:

Það að mótframlag ríkisins til bænda í lífeyrissjóð sé hætt er talsverð kjaraskerðing fyrir bændur. Aðalfundurinn skorar á stjórn SUB að skoða lífeyrissjóðsmál bænda með tillit til sjálfstætt starfandi aðila, hvernig þeim málum er háttað og finna úrlausnir í lífeyrissjóðsmálum bænda til lengri tíma. Mælt með að teknar yrðu saman upplýsingar um fyrirkomulag og þær gerðar aðgengilegar bændum.

Samþykkt samhljóða

4) Aðalfundur SUB haldinn að Smáratúni þann 12. Mars 2011 beinir því til stjórnar SUB að beita sér fyrir því að hluti þess greiðslumarks, í mjólkurframleiðslu, sem selt sé á kvótamarkaði skuli seljast nýliðum í greininni.

Greinargerð:

Öllum er það ljóst að lítil nýliðun í mjólkurframleiðslu er áhyggjuefni og ungt fólk á erfitt með að koma sér inn í greinina vegna þess hve kostnaðarsamt er að verða sér úti um greiðslumark. Með því að skilyrða ákveðinn hluta greiðslumarksins, sem kemur inn á kvótamarkaðinn, til þess að verða seldur nýliðum í greininni þá má auðvelda ungu fólki að taka fyrstu skrefin í mjólkurframleiðslu. Má þá líta til t.d. Danmerkur í þessu sambandi, þar sem álíka skilyrði eru nú þegar fyrir hendi.

Til umhugsunar fyrir stjórn SUB:

Erfitt úrlausnar.

Er ungliðaskattur á kaup og sölu kvóta hentugt? Hver ætti að borga það? Ef lausnir finnast á því væri hægt að stofna sjóð sem yrði nýttur til styrktar á kaupum nýliða á kvóta.

Við val á kaupendum að ákveðin % af kvótasölu sé merkt nýliðun ef ungir bændur eru að bjóða. Nýliðar hefðu frekar tækifæri á að fá kvóta frekar en eldri bændur, komist frekar að. Brýtur það í bága við jafnræðisreglu? Væri hægt að halda viðskiptum gegnsæjum? Er möguleiki að tengja þetta byggðarlögum? Viljum við setja kvótaþak á býli og losa þannig um kvóta til útdeilingar á önnur bú? Viljum við tengja kvóta við Mjólkursamlögin?

Samþykkt samhljóða

5) Aðalfundur SUB haldinn að Smáratúni þann 12. mars 2011 beinir því til stjórnar SUB að hún vinni harðar að úrbótum varðandi nýliðunarmál í landbúnaði. Aðalfundur samþykkir að Samtökin beiti sér fyrir því að komið verði á raunverulegum nýliðunarstyrkjum í landbúnaði. Leitað verði eftir samstarfi við Bændasamtök Íslands um útfærslu og leiðir til að koma slíkum styrkjum á.

Greinargerð:

Það þarf að beita sér fyrir bættu lánaumhverfi innan um stofnana bænda sem reka lánastarfssemi fyrir ungt fólk sem hyggst byrja eða eru starfandi í greininni. Samhliða því að beiti sér fyrir leiðréttingu á jarðaverði til að efla nýliðun í greininni, jafnframt að beita sér fyrir því að komið verði á raunverulegum nýliðunarstyrkjum til að tryggja endurnýjun í landbúnaði.

Til umhugsunar til stjórnar:

Er hægt að nýta hluta búnaðargjalds til nýliðunar?

Leiti þurfi leiða hvar fjármagn er að finna til að mynda nýliðunarsjóði?

Allsherjarnefnd, framsögumaður Indíana Ósk Magnúsdóttir

1) Aðalfundur Samtaka ungra bænda, haldinn í Smáratúni í Fljótshlíð 12. mars 2011 samþykkir að landshlutafélögin stofni eigin kennitölur fyrir sinn fjárhag.

Samþykkt samhljóða

2) Aðalfundur Samtaka ungra bænda, haldinn í Smáratúni í Fljótshlíð 12. mars 2011 beinir því til Alþingis að draga þegar í stað til baka umsókn Íslands að Evrópusambandinu.

Greinargerð:

Umsókn um inngöngu er afar ótímabær og óskynsamleg á þessum tímapunkti sökum óvissu og ólgu innan Evrópusambandsins.

Helgi Haukur fagnaði tillögunni og lýsti yfir ánægju með starf allsherjarnefndar. Taldi sterkara að sameina tillöguna við aðra tillögu um skylt efni.

Tillagan féll þar sem ný tillaga gengur lengra

3) Aðalfundur Samtaka ungra bænda, haldinn í Smáratúni í Fljótshlíð 12. mars 2011 lýsir yfir stuðningi við vinnu og málflutning Bændasamtaka Íslands er varðar Evrópusambandið.

Tillagan féll þar sem ný tillaga gengur lengra

Helgi Haukur lagði fram nýja tillögu þar sem efni annarrar og þriðju tillögu allsherjarnefndar var sameinað.

Aðalfundur Samtaka ungra bænda haldinn í Smáratúni í Fljótshlíð 12. mars 2011 lýsir yfir fullum stuðningi við ályktun Búnaðarþings 2011 varðandi aðildarviðræður Íslands og ESB og skorar jafnframt á Alþingi að draga þegar í stað til baka umsókn Íslands að Evrópusambandinu.

Greinargerð:

Umsóknin skapar mikla óvissu innan samfélagsins og þá sérstaklega hvað varðar framtíð landbúnaðar á Íslandi, slíkt er bæði ótímabært og óþarft miðað stöðu þjóðfélagsmála í dag.

Samþykkt samhljóða

4) Aðalfundur Samtaka ungra bænda, haldinn í Smáratúni í Fljótshlíð 12. mars 2011 gagnrýnir vinnu við tillögur að nýjum náttúruverndarlögum og óskar eftir að nauðsynlegt samráð verði haft við hagsmunaaðila við endanlega útfærslu þeirra.

Samþykkt samhljóða

5) Aðalfundur Samtaka ungra bænda, haldinn í Smáratúni í Fljótshlíð 12. mars 2011 beinir því til stjórnar SUB að beita sér fyrir því að vinnu við breytingar á jarðalögum verði flýtt sem kostur er og þar inni verði landbúnaðarland og ræktunarland skilgreint sérstaklega.

Greinargerð:

Á undanförnum árum hafa jarðir verið teknar úr landbúnaðarnotkun og eru ríkisjarðir þar ekki undanskyldar, í mörgum tilfellum hafa þessar jarðir safnast á fárra manna hendur. Sífellt erfiðara er fyrir fólk, sem vill stunda landbúnað og framleiða landbúnaðarafurðir. Erfitt er að  finna hentuga jörð til starfans og ræður þar hátt jarðarverð mestu um. Sé litið til framtíðar, þá er mikilvægi þess að jarðir séu skilgreindar sem jarðir til landbúnaðarnota, afar þýðingarmikið fyrir íslenska þjóð með tilliti til matvælaöryggis hennar og einnig til að halda uppi byggð um allt land.

Samþykkt samhljóða

6) Aðalfundur Samtaka ungra bænda, haldinn í Smáratúni í Fljótshlíð 12. mars 2011 samþykkir eftirfarandi breytingu á síðustu málsgrein 3. greinar samþykkta samtakanna og verði hún hér eftir svo hljóðandi: Rétt til fullrar aðildar að SUB hafa allir þeir sem eru á aldrinum frá 18 til 35 ára og hafa áhuga á málefnum landbúnaðar og landsbyggðarinnar. Rétt til aukaaðildar að samtökunum hafa einstaklingar yfir 35 ára. Félagar með aukaaðild hafa rétt til fundarsetu og tillögurétt en hvorki  kosningarrétt né rétt til að gegna trúnaðarstörfum fyrir samtökin. Félagar með aukaaðild greiði 50% af félagsgjaldi.

Þórir Níelsson tók undir breytinguna með aukaaðild og taldi tillöguna góða lausn á máli sem talsvert hefur verið til umræðu.

Margrét Ósk Ingjaldsdóttir spurði hvernig hálft félagsgjald skiptis milli SUB og aðildarfélags vegna umræddra breytinga á samþykktum.

Indíana Ósk svaraði og sagði að málið hefði ekki verið rætt sérstakalega í nefndinni.

Ólafur Þórisson ræddi sitt álit á tillögunni. Sagðist hafa verið fylgjandi sambærilegri tillögu fyrir ári síðan en eftir vandlega íhugun í heilt ár taldi hann breytinguna óþarfa og lagði það til að tillagan yrði felld og aldursmörk félagsaðildar yrðu óbreytt.

Hanna María sagði að flest búnaðarfélög hefðu aukaaðild á sínum snærum og hálft félagsgjald fyrir þá félaga sem væru aukafélagar.

Gunnfríður studdi tillögu Ólafs um að tillagan yrði felld.

Indíana Ósk studdi tillögu Ólafs og sagði mönnum frjálst að styðja samtökin þó ekki væri rukkað félagsgjald.

Tillagan var felld með meirihluta atkvæða

Fagnefnd, framsögumaður Ólafur Þórisson

1) Aðalfundur Samtaka ungra bænda, haldinn í Smáratúni í Fljótshlíð 12. mars 2011 beinir því til stjórnar SUB að leita til fagaðila um skoðun og kortlagningu búskaparmöguleika og atvinnutækifæra í landbúnaði á landsvísu.

Greinargerð:

Fundurinn telur heppilegast er að þetta verkefni væri á könnu háskólanna í landinu, Bændasamtakanna, sveitarfélaga og Búnaðarsambandanna.

Indíana Ósk spurði hver eigi að borga kostnað við framkvæmd kortlagningar, taldi það ekki eiga að vera á hendi samtakanna.

Ólafur Þórisson sagði að hugsunin væri sú að SUB fengi fagaðila til samstarfs við að koma verkefninu á stað t.d. með fjármögnun á námsverkefni sem skoðaði þetta atriði.

Samþykkt samhljóða

2) Aðalfundur Samtaka ungra bænda, haldinn í Smáratúni í Fljótshlíð 12. mars 2011 óskar eftir því að stjórn SUB beini því til MAST að harðar verði tekið á vanfóðrun og slæmri meðferð búfjár og þurfa þau mál að ganga hraðar í gegnum kerfið en nú er. Refsiákvæði skulu vera skýr og málsmeðferð skilvirkari.

Samþykkt samhljóða

3) Aðalfundur Samtaka ungra bænda, haldinn í Smáratúni í Fljótshlíð 12. mars 2011 beinir því til stjórnar SUB að halda þurfi á lofti mikilvægi þess að refaveiðar verði stundaðar til að halda stofninum í skefjum. Jafnframt verði unnið að því að útrýma villtum mink. Jafnframt þarf að auka eftirlit með því að menn leggi út æti án þess að sinna því og þ.a.l. að fóðra refinn.

Greinargerð:

Allt of mörg dæmi þess voru síðastliðið sumar og haust að refur leggist á fé.

Helgi Haukur fagnaði ályktuninni og taldi hana góða. Sagði umhverfisráðuneytið á villigötum varðandi þessi mál í dag.

Kjartan Ottó lagði fram breytingu. Í stað síðustu setningar komi: Einnig hafa eftirlit með sláturgryfjum bænda. Beint til stjórnar að SUB lýsi stuðningi sínum við Bjarmaland.

Anna Lóa ræddi um opnar sláturgryfjur. Bannað að urða í dag nema í viðurkenndum sláturgryfjum. Þarf að skoða það betur.

Tillagan samþykkt með þorra atkvæða.

4) Aðalfundur Samtaka ungra bænda, haldinn í Smáratúni í Fljótshlíð 12. mars 2011 beinir því til stjórnar SUB að skýrari reglur og hraðvirkara kerfi þurfi í sambandi við að bændur megi verja sín tún og akra fyrir ágangi gæsa og álfta. Enn fremur þarf að setja inn ákvæði í reglur að bændur geti krafist bóta fyrir það uppskerutap og tjóni á ræktun sem álftir og gæsir valda.

Samþykkt samhljóða

5) Aðalfundur Samtaka ungra bænda, haldinn í Smáratúni í Fljótshlíð 12. mars 2011 beinir því til stjórnar SUB að athuga með samning við LBHI um afslátt til félagsmanna af námskeiðum á vegum LBHÍ.

Samþykkt samhljóða

6) Aðalfundur Samtaka ungra bænda, haldinn í Smáratúni í Fljótshlíð 12. mars 2011 leggur þunga áherslu á að réttir aðilar verði dregnir til ábyrgðar í díoxín málinu í Efri-Engidal. Framkvæma þarf ítarlega rannsókn á málinu. Enn fremur þarf að auka eftirlit með allri annarri atvinnustarfsemi sem hugsanleg mengunarhætta stafar frá og gæti verið skaðleg lífríki og landbúnaðarframleiðslu.

Samþykkt samhljóða

Félagsmálanefnd, framsögumaður Hrönn Jónsdóttir

1) Aðalfundur Samtaka ungra bænda, haldinn í Smáratúni í Fljótshlíð 12.mars 2011 beinir því til stjórnar SUB að bæta samskipti SUB við aðildarfélögin og auka upplýsingarflæði þar á milli.

Greinagerð:

Fyrir áætlanir um samráð var haft vegna dagatala 2010 ásamt því að boð um síðasta tilætlaða dagsetningu á aðalfundi aðildarfélaga hafi borist seint og þess vegna óásættanleg.

Samþykkt samhljóða

2) Aðalfundur Samtaka ungra bænda haldinn í Smáratúni í Fljótshlíð 12. mars 2011 beinir því til stjórnar SUB að nauðsynlegt sé að SUB fari eftir samþykktum ályktunum af aðalfundi.

Samþykkt samhljóða

3) Aðalfundur Samtaka ungra bænda haldinn í Smáratúni í Fljótshlíð 12.mars 2011 samþykkir að á bak við vefstjóra sé  skipuð þriggja manna nefnd sem sér um upplýsinga- og fréttaöflun og deili ábyrgð með vefstjóra á því efni sem birtist á heimasíðunni.

Samþykkt samhljóða

4) Aðalfundur Samtaka ungra bænda, haldinn í Smáratúni í Fljótshlíð 12.mars 2011, beinir því til þess sem ber ábyrgð á heimasíðunni að þar séu hagnýtar upplýsingar hvað varðar málefni ungra bænda.

Greinargerð:

Að upplýsa ungt fólk í landbúnaði er mikilvægt. Gott væri að hafa aðgengilegt fræðsluefni, s.s. form á leigusamningum, kaupsamningum, styrkjamál,  mismunandi rekstarform á býlum o.fl.Einnig mætti hafa smáauglýsingar á heimasíðunni.

Samþykkt samhljóða

5) Aðalfundur Samtaka ungra bænda, haldinn í Smáratúni í Fljótshlíð 12. mars 2011, beinir því til stjórnar SUB að standa fyrir utanlandsferð á næsta starfsári.

Greinargerð:

Markmið slíkrar ferðar yrði að kynna sér starfsemi systursamtaka erlendis og skoða hagi ungra bænda.

Samþykkt samhljóða

6) Aðalfundur Samtaka ungra bænda, haldinn í Smáratúni í Fljótshlíð 12. mars 2011, beinir því til stjórnar SUB að fylgja eftir útgáfu á kynningarefni um íslenskan landbúnað sem þegar er í undirbúningi. Stefnt skal að efnið verði tilbúið fyrir 1.júlí 2011 til kynningar í framhaldsskólum og víðar.

Samþykkt samhljóða

7) Aðalfundur Samtaka ungra bænda, haldinn í Smáratúni í Fljótshlíð 12. mars 2011, beinir því til aðildarfélaga að efla félagsleg tengsl á milli landshlutadeilda.

Greinagerð:

Aðildarfélög gætu staðir fyrir heimsóknum eða heimboðum milli landshlutadeilda.

Samþykkt samhljóða

7. Ávörp gesta og fyrirspurnir

Sigurður Ingi Jóhannsson, alþingismaður var gestur fundarins og sendi fundinum kveðju frá Sigmundi Davíð Gunnlaugssyni formanni Framsóknarflokksins. Þakkaði fyrir að vera boðið á fundinn og sagði að vel væri tekið eftir störfum SUB. Brýndi fyrir fundarmönnum áhrif fjölmiðla og fjölmiðlaumfjöllun í ljósvakamiðlum landsins og mikilvægt væri að menn vönduðu sig áður en þeir sendu eitthvað frá sér. Ræddi einnig aðeins um stefnu Framsóknarflokksins í Evrópumálum og sagði að hún yrði væntanlega endurnýjuð á flokksþingi í næsta mánuði. Sagði síðan frá fundi sem hann sótti með starfsmönnum mjólkuriðnaðarins og hver áhrif aðildar yrðu t.d. á hann, með afnámi tolla myndi 50% mjólkur verða birgðavörur sem innlendir framleiðendur þyrftu að keppa við að utan og framleiðsla á hvítu kjöti myndi nánast leggjast niður. Tillaga um Evrópusambandsaðild var samþykktu með skilyrðum utanríkismálanefndar Alþingis. Taldi Sigurður að eftir rýnifundina sem nú standa yfir ætti að koma á daginn að ESB getur ekki fallist á skilyrði Íslendinga og því beri ESB að slíta samningarviðræðunum. Vatn, orka og landrými er mikil auðlind sem þarf að hugsa um í framtíðinni og hverri þjóð er mikilvægt að framleiða sem mest af eigin mat. Íslendingar eru fámenn þjóð rík af auðlindum sem við höfum framyfir aðrar þjóðir.

Sagði síðan frá starfi Hrunamannahrepps þegar hann starfaði sem oddviti þar um skipulag og nýtingu lands. Fyrir nokkrum árum þurftu allir að eiga lögbýli, jeppa og jafnvel nokkrar kindur en sveitarfélagið vildi verja gott landbúnaðarland og skipulagning sumarbústaðbyggðar var því háð leyfum. Taldi að mistök hefðu verið gerð við breytingu síðustu jarðalaga þar hefði verið gengið of langt með að allir gætu keypt án skilyrða. Í dag er staðan önnur og slæmt að landbúnaðarland sé tekið undir annað en landbúnaðarframleiðslu. Nefndi í því dæmi strangar reglur t.d. í Danmörku varðandi nýtingu lands. Nefndi einnig að sumir væru tilbúnir að borga hærra verð fyrir sumarbústaðaland með blómlegan landbúnað út um gluggann í stað 5000 sumarbústaða og taldi það enga skynsemi þegar peningamennirnir stjórnuðu því hvernig samfélagið þróaðist sem menn byggju í. Vonaði að boðaðar breytingar á jarðalögum yrðu skynsamar.

Hermann Ingi spurði Sigurð hvort önnur sveitarfélög hefðu tekið upp stefnu Hrunamannahrepps.

Helgi Haukur spurði hvort þetta snerist ekki í grunninn um pólitískt kjarkleysi sveitarstjórna til að breyta stefnu sinni í landnýtingarmálum.

Sigurður sagðist ekki vita til þess að önnur hefðu tekið þetta upp stefnu Hrunamanna. Vantaði að bæta lagalega skilgreiningu á því að fara þessa leið og taldi einnig í vissum tilvikum snerist þetta um pólitískt kjarkleysi.

8. Kosningar

Kjósa á um formann og tvo stjórnarmenn til tveggja ára.

Helgi Haukur einn í framboði til formanns og var kosinn formaður til tveggja ára með lófaklappi.

Kjósa á um tvo stjórnarmenn, Oddný Steina og Margrét Ósk gefa ekki kost á sér áfram.

Þrjú framboð bárust, Eyjólfur Ingvi Bjarnason, Erla Rún Guðmundsdóttir og Þórir Níelsson gefa kost á sér til setu í stjórn samtakanna. Kosið var leynilega milli þeirra.

Niðurstaða kosninga var eftirfarandi:

Eyjólfur Ingvi Bjarnason 25 atkvæði

Þórir Níelsson 24 atkvæði

Erla Rún Guðmundsdóttir 13 atkvæði

Kjósa þarf þrjá varamenn í stjórn. Tillaga um Svein Rúnar Ragnarsson kemur úr sal en einnig bárust framboð frá Jónu Björg Hlöðversdóttur og Bjarna Mássyni. Voru þau kosin með lófaklappi.

Fram kom tillaga skoðunarmönnum reikninga, Bjarki Fannar Karlsson og Steingrímur Þór Einarsson sem aðalmenn og Bjarna Ingvar Bergsson og Maríu Þórunni Jónsdóttur sem varamönnum. Voru þau kosin með lófaklappi.

9. Önnur mál

Eyjólfur þakkaði fundarmönnum kosninguna í stjórn.

Kjartan Ottó spyr um afstöðu SUB til Vatnajökulsþjóðgarðs.

Ólafur Þórisson þakkaði fyrir góðan fund og taldi skipulag hans framför frá aðalfundi síðasta árs. Bendir á að hann hafi verið varamaður í stjórn og nauðsynlegt sé að upplýsingaflæði til varastjórnarmanna og einnig hvernig skipan varamanna sé háttað.

Helgi Haukur tekur undir með Ólafi og boðar breytt vinnulag varðandi samskipti við varamenn í stjórn og svaraði því til að afstaða til Vatnajökulsþjóðgarðs sé verðugt verkefni fyrir nýja stjórn að velta fyrir sér.

Stefán Geirsson þakkaði einnig fyrir góðan fund og gaf Helga Hauk orðið sem einnig þakkaði fyrir góðan fund og sleit fundi formlega.

Oddný Steina Valsdóttir, fundarritari 

Eyjólfur Ingvi Bjarnason, fundarritari